كثر الحديث فى الفترة الاخيرة عن موتور فيات تيبو المانيوال وبالتحديث حول مشكلة نقص الزيت والتى سبق وتحدثنا عنها فى موضوع سابق ، لكن في هذا المقال سوف نوضح لكم حول هذا الامر بمزيد من التفاصيل وبناءاً على تجارب البعض .
موتور فيات تيبو المانيوال
تأتى فيات تيبو المانيوال بموتور 1400 سي سي مزود بفتيس مانيوال 6 سرعات مولدا قوة 95 حصان عند 6000 لفة في الدقيقة وعزم 127 نيوتن متر عند 4500 لفة في دقيقة ، بالإضافة ببعض الكماليات مثل ايرباج للسائق و ABS ونظام التحكم فى الجر TCS و نظام التحكم الديناميكي VDC ، مراقبة ضغط الاطارات وايموبليزر ، مثبت سرعة ، فوانيس شبورة خلفية ، عجلة قيادة متعددة الوظائف ، تكييف يدوي بسعر يبدأ من 190 الف جنية .
قد يهمك ايضا : مواصفات فيات تيبو مانيوال الفئة الاولى والثانية
مشكلة نقص او تبخير الزيت فى فيات تيبو مانيوال :
المشكلة اللى قابلت اغلب مستخدمين فيات تيبو المانيوال هى نقص الزيت بشكل ملحوظ هنوضح ليكم تفاصيل هذا الموضوع فى النقاط التالية :
- معدل نقص الزيت حوالى ربع كيلو اول 2500 كيلو تقريبا وبعد كده معدل التبخير ده بيقل بشكل ملحوظ .
- بعد 20 الف كيلو مشكلة التبخير بتكون مش ملحوظة وبتكون فى الحدود الطبيعية مثل اغلب السيارات .
- يزداد معدل التبخير بزيادة عدد لفات ال RPM وبالتالى يجب استخدام السيارة بهدوء خصوصا خلال فترة التليين اول 1500 كيلو .
- خلال فترة التليين يجب الاتزيد السرعة عن 80 كم/ساعة و عدد لفات المحرك عن 2500 لفة/دقيقة سوف يقلل معدل تبخير الزيت.
- الموتور اقتصادى وموفر للبنزين واعتمادى وتم استخدامه قبل ذلك فى العديد من سيارات فيات والتى اثبتت اعتمادية ولم يتم حدوث مشاكل منه.
للمزيد تابع الفيديو التالى :
لو عندك تجربة مع سيارة فيات تيبو المانيوال ياريت تشاركنا بها فى التعليقات .
بعد اذنكم انا عربيتي تيبو ٢٠٢٠ اوتوماتيك مش مانويل وبقالها شهرين جايبها وانهارده لقيت الزيت ناقص وعامله ٤٠٠٠كم
هي الاوتوماتيك برضه فيها المشكله دي وحلها ايه
ممكن تكلم التوكيل
انا حبيت بس اشاركم الموضوع بعتزر لشركة فيات و التوكيل لان انا فعلا قولت الزيت نقص وكلمتهم ورحت لأقرب فرع وقاسه الزيت وطلع مظبوط انا كنت قايسه غلط كانت السياره في شارع في ميول والسيارة مايله عشان كدا المقاس مكنش مظبوط ولما رحت اتأكدت أنه تمام وسافرت بيها وزاي الفل الحمد لله
شكرا لمشاركتك