تجربتي مع فيات تيبو وستروين سي اليزيه

تجربتي مع فيات تيبو وستروين سي اليزيه
دي تجربه د.محمد عبدالرحيم مع سيتروين سي اليزيه وفيات تيبو هاتشباك الفئة الأولى.. لو ليك تجربه مع فيات تيبو ياريت تبعت لنا وهننشرها هنا في تيبو فانز…
Citroen C-Elysee 🇫🇷 Vs Fiat Tipo 🇮🇹
اولاً سى اليزيه 🇫🇷قعدت معايا خمس سنوات 😍والتيبو 🇮🇹بقالها معايا ١٥ يوم 🤲🕺🏻
الاليزيه 🇫🇷شكلها عصرى وجذاب ورغم انها من ٢٠١٣ لكن انا شايف ان لسه لدلوقتى محافظه ع شكلها وجاذبيتها وسط المنافسين
من الداخل الاليزيه تصميم الطابلوه جميل جداً بصراحه ❤️❤️
التيبو 🇮🇹برده شكلها مميز وأنيق والخطوط بها انسيابيه وانا شايف كمان الهاتشباك شكلها اجمل بكتير من السيدان يمكن علشان معايا هاتشباك لكن من الداخل كنت حابب طابلوه الاليزيه اكتر❤️😂

2: الصاج والدهان 🚘

الاليزيه 🇫🇷صاجها قوى بالمقارنه بعربيات كتير ودهانها كان جميل ومش بيتأثر مع مرور الوقت 🖐
التيبو 🇮🇹انا شايف ان صاج اقوى من الاليزيه كمان لكن كدهان ناس كتير اشتكت انه ضعيف 😢

3: ارتفاع السياره عن الارض والمساحات من الداخل 🚘

الاليزيه 🇫🇷عربيه عاليه ونادر جداً ما كانت تحك ف مطبات مصر العظيمه الصالون واسع جداً ومن اكتر مزيا العربيه سواء قدام او الكنبه الخلفيه ورا والشنطه كانت بحر بمعنى الكلمه😂
التيبو 🇮🇹عاليه عن الارض وبرده صعب اوى تحك فالمطبات والصالون واسع بس بصراحه اقل حاجه بسيطه من الاليزيه والكنبه ورا ممكن تاخد تلاته متوسطى الحجم ده ف الهاتشباك اللى معايا مجربتش سيدان بصراحه والشنطه برده ف الهاتشباك اقل من الاليزيه لكن بصراحه كنت متوقع انها تكون ضيقه ومزعجه وطلع العكس شنطتها كبيره وبتشيل كتير 😉

4: مساحات التخزين والخامات 🚘

الاليزيه 🇫🇷الصالون فقير بمساحات التخزين 😢خمس سنين مش عارف احط الموبايل فين 😂خامات الطابلوه بلاستيك مقبوله🙂
التيبو 🇮🇹فيها مساحات تخزين كويسه اووى بالمقارنه بالاليزيه كمان خامات الطابلوه والابواب بلاستيك جودته اعلى من الاليزيه 😍

5: العفشه ونظام التوجيه 🚘

الاليزيه 🇫🇷عفشتها كانت ناشفه الى حد ما والاحساس بالنقر والمطبات واضح ونظام التوجيه كويس جداً جوا المدينه وبيروح معك مكان ما انت عايز بالظبط وع الطرق السريعه العفشه بتعزز الثبات وبرده نظام التوجيه كويس 👍
التيبو 🇮🇹عفشتها مقاربه جداً للاليزيه والاحساس بالنقر والمطبات ملحوظ يمكن اقل برده حاجه بسيطه من الاليزيه ونظام التوجيه جوا البلد كويس بس بصراحه مش افضل من الاليزيه 😢وع الطرق السريعه برده نظام التعليق بيعزز من الثبات 👍

6: العزل وصوت الموتور 🚘

الاليزيه🇫🇷 العزل جوه المدينه متوسط لكن ع الطرق السريعه انا كنت شايف انه الى حد ما ضعيف وبتسمع صوت الهوا كويس كمان صوت الموتور عالى وخشن ويسلام ف الصيف مع صوت المروحه 🙄مرعب الحقيقه 😂😂
التيبو 🇮🇹العزل متوسط داخل البلد وجيد جداً ع الطرق السريعه وصوت الموتور صعب تسمعه لدرجه انى بشك ان العربيه دايره كمان صعب تسمع صوت الموتورعطريق سريع 😍

7: الثبات 🚘

الاليزيه 🇫🇷عربيه ثباتها جميل جداً 😍
التيبو 🇮🇹ثباتها اكثر من رائع بصراحه يا جماعه تفوق الاليزيه وخصوصاً الهاتشباك لانها اتقل حوالى ٢٥٠ ك من الاليزيه ❤️مشيت بيها ١٧٠كأن ماشى ٧٠😂

8: التسارع ومعدلات الاداء 🚘

الاليزيه 🇫🇷كانت معايا فتيس القديم تسارعها مقبول لانى ركبت الجديده حسيت انها ابطأ ف الطلعه واستهلاك البنزين كان حلو ع الطرق السريعه ومقبول جوا البلد 👍
التيبو 🇮🇹طلعتها بطيئه لحد ٤٠لكن اداء الموتور بيظهر ع RPMعالى واستجابته قويه ع السرعات العاليه
استهلاك البنزين جيد جو البلد وممتاز ع الطرق السريعه 😍

9: الموتور والفتيس 🚘

الاليزيه 🇫🇷موتور قوى ١١٥ حصان وبيجمع بدرى معاك وخصوصاً مع الفتيس القديم الاربع سرعات اللى كان بيفهمنى كويس لكن مشكلته ف الاج ف البدايه كان واضح ☺️
التيبو 🇮🇹موتور قوى ١١٠حصان لكن ادائه بيظهر ع RPM عالى والخلاصه هتستمع بالموتور ده ع طريق مفتوح 😍الفتيس بقى ده خرافه فتيس ٦سرعات يابنى سلس ومريح جوا البلد ونقلاته استحاله تشعر بيها وذكى جداً ع السرعات العاليه ❤️🌺

10: قطع الغيار والصيانات والتوكيل 🚘

الاليزيه🇫🇷 قطع الغيار متوفره بالتوكيل وبالخارج ف كل مكان، اسعارها بره الحقيقه رخيصه جداً والصيانه بسيطه وغير مكلفه مع وجود مراكز خدمه معتمده ف قمهالاحترافيه والرقى زى امير وجوزيف وحالياًبرده القصراوى بيحاول يكسب الناس وعامل مجهود جبار ❤️🌺
التيبو 🇮🇹قطع الغيار موجوده بالتوكيل لكن لسه منتشرتش اوى بره وطبعاً اسعارها اغلى من الاليزي وكذلك الصيانات مع سمعه سيئه للوكيل للاسف😢
ف النهايه اتمنى انى اكون قدرت افيدكم من واقع تجربتى للعربيتين
المصدر: اضغط هنانشكر د.محمد عبدالرحيم صاحب التجربه

اكتب تعليق