10 اسرار وخبايا عن فيات تيبو قد لا تعرفها !

النهاردة هنكلمكم عن موضوع شيق جدا عن فيات تيبو لكل متابعي تيبو فانز ، هنوضح ليكم 10 اسرار عن فيات تيبو غير معروفة غير للقليل من ملاك العربية قد تجعلك تغير رأيك فى عدم شراء فيات تيبو حتى الآن .

اسرار فيات تيبو

10 اسرار عن فيات تيبو قد لا تعرفها :

1- فى حالة النور كان شغال ، لما تلف الدريكسيون ناحية اليمين نور الشبورة اليمين بيشتغل ولما ترجع الدريكسيون تانى نور الشبورة هيطفي والعكس لو ناحية الشمال .

2- يوجد خاصية لتقليل صوت الكاسيت عند تقليل سرعة السيارة وزيادة صوت الكاسيت مع زيادة السرعة (يتم التحكم فى هذه الخاصية من اعدادات الكاسيت)

3- تفعيل خاصية Follow me : بعد اطفاء السيارة وقبل ازالة المفتاح من الكونتاكت اضغط على دراع تقليب النور هينور نور العربية لمدة 30 ثانية وبعدين هيطفي لوحدة ولو عايز تنور اكتر من 30 ثانية اضغط على تقليب النور مرتين هينور معاك 60 ثانية ، هتفيدك الخاصية دى لو هتركن فى منطقة ضلمة وعايز العربية تنورلك فترة من الوقت .

4- خاصية محدد السرعة ودى مختلفة عن مثبت السرعة ، ممكن تظبط محدد السرعة على اقصي سرعة مثلا 90 كم/ساعة ولما تتجاوز السرعة دى العربية هتديك تحذير .

5- يمكنك تعطيل الايرباج الخاصة بالراكب الامامي من اعدادات كمبيوتر السيارة كما موضح فى الصورة التالية :

6- فتحة تانك البانزين فيها صمام مش هيفتح غير بمسدس البنزين كنوع من الامان ودى التقنية فى عربيات كتير حديثا .

7- شنطة العربية مش هتفتح لو العربية بتتحرك كنوع من الامان .

8- لو العربية واقفة فى منحدر العجلات هتكلبش لوحدها كانك شادد فرامل اليد.

9- لو ضغطت على دواسة البنزين للاخر الفتيس ممكن ينقل من الغيار التانى للرابع او الخامس مرة واحدة علشان تسارع اكبر .

10- يمكن التحكم فى قوة اضاءة نور التابلوة من 1 إلى 8 .

لو انت من ملاك السيارة وعندك خبايا تانيه و اسرار عن فيات تيبو شاركنا بها فى التعليقات ، اتمنى ان الموضوع يكون مفيد ليكم ويكون بيقدم معلومة جديدة .

اكتب تعليق